"ოქროს ტალღა 2017" - ყველაზე დასამახსოვრებელი მომენტები.

2017 წელი "ფორტუნასთვის" საიუბილეო თარიღი აღმოჩნდა. უმსხვილესი რადიოჰოლდინგი 20 წლის იუბილეს აღნიშნავს.
  უკვე მეოთხე წელია , რაც "ფორტუნა" მთავარ მუსიკალურ მოვლენას, "ოქროს ტალღის" დაჯილდოვების ცერემონიალს ატარებს. ყოველწლიურად ჟიური ოცამდე სხვადასხვა ნომინაციაში ქართველ მუსიკოსებს შორის საუკეთესოს ავლენს. წლის საუკეთესო სიმღერის ნომინაციაში გამარჯვებულს ფულადი ჯილდო გადაეცემა. 

  20 ივნისს მთაწმინდაზე "ოქროს ტალღა 2017" - ის დაჯილდოვება გაიმართა.
 ქართველი მომღერლები 17 კატეგორიაში წარადგინეს. როგორც თავად მომღერლები და ნომინანტები აღნიშნავენ, "ოქროს ტალღა" მათთვის წამახალისებელი ხასიათისაა და მეტ სტიმულს მატებთ მუსიკალურ შემოქმედებაში.
 წლის საუკეთესო მომღერალ ქალად სოფო ნიჟარაძე , - დებიუტად კი ეკუნა ყანჩაველი დასახელდნენ. წლის საუკეთესო შემსრულებელი მამაკაცად ნოდიკო ტატიშვილი დასახელდა სიმღერით "ფერადი დღე" . "პრიზი მუსიკის პოპულარიზაციისთვის საზღვარგარეთ" ქალბატონ ნინო ქათამაძეს გადაეცა და რაც ყველაზე მთავარია, წლის სიმღერა სტეფანე მღებრიშვილის "დამიბრუნდი" გახდა.
  კომპოზიტორა რუსა მორჩილაძემ, ქართული " ოქროს ტალღა" ამერიკულ "გრემის" დაჯილდოვებასაც კი შეადარა.
  ცხადია, მსგავსი ასოციაცია , უპირველესყოვლისა , წითელმა ხალიჩამ გამოიწვია. მიუხედავად წვიმიანი ამინდისა, 2017 წლის ამ დაჯილდოვებაზე უამრავმა მუსიკოსმა და შოუ-ბიზნესის წარმომადგენელმა მოიყარა თავი. ალბათ, ჩემს მკითხველს ძალიან აინტრესებს ვის როგორ ეცვა წითელი ხალიჩის ცერემონიალზე. მაშ ასე, წარმოგიდგენთ სპეციალურად თქვენთვის მომზადებულ ფოტო-რეპორტაჟს  :

მოდის ექსპერტს დალი ჩიტალაძეს აცვია "Gucci" -ის შავი, კლასიური პიტჯაკი. ფეხსაცმელები და ჩანთა :  Miu Miu.

   აღსანიშნავია, ქართველი პოპ-შემსრულებლის მალიბუ ტუღუშის დასამახსოვრებელი ლუქი. ის ყოველთვის ახერხებს გამორჩეული ვიზუალით ყურადღების მიქცევას და გამონაკლისი არც "ოქროს ტალღის" წითელი ხალიჩა აღმოჩნდა.

შეგახსენებთ, რომ ტყავის, ვინტაჟური ჩანთები აქტუალურობას არ კარგავს, ამიტომ თავისუფლად გამოიყენეთ წელიწადის ნებისმიერ დროს, სხვადასხვა სამოსზე. 

                           

კუბოკრული კოსტიუმს დრო არ აქვს. ის ყოველთვის განსაკუთრებულად დასამახსოვრებელს გახდის მამაკაცის ტანისამოსს. 

                          რატი დურგლიშვილი არ ღალატობს საკუთარ "ქეჟუალ სტილს".

  ლიზა ვადაჭკორიას ეს კომბინიზონი ზუსტად პასუხობს გაზაფხული-ზაფხულის წლევანდელ ტენდეციებს, როგორც ფერით, ასევე ქსოვილით.