ვინტაჟური ესთეტიკა - ანა ვაისმანის ობიექტივში.

ეს გოგონა მოდელის გარეგნობით, ბარბის რომ გავს , ანა ვაისმანი, გაგიკვირდებათ და ვიდეოგრაფია. მან ის იშვიათი პროფესია აირჩია, რომელსაც საქართველოში ქალების უმრავლესობა ალბათ, არ აირჩევდა. განსხვავებული ხედვა, სიზუსტე, ფერთა მონოქრომული პალიტრა და ვინტაჟური ესთეტიკა - ანას ხელწერაა. ანა ყვება ისტორია და ქმნის ტიპაჟებს მათი ცხოვრების ბნელი თუ ნათელი მხარეებით. როდესაც პირველად შევხვდი, წარმოდგენაც არ მქონდა, თუ როგორი სიზუსტით დაინახავდა ჩემს ჩანაფიქრს ბლოგის პრომოსთან დაკავშირებით. ჩვენი თანამშრომლობა შედგა, მე კი აუცილებლად მინდა, გაგაცნოთ ერთი წარმატებული ვიდეოგრაფი ქალის ისტორია .                  -როდის დაგაინტერესათ ვიდეოგრაფიამ?
- დაახლოებით 2 წელია, რაც სერიოზულად დავიწყე გადაღება. აქცენტი მქონდა მოკლემეტრაჟიან ფილმებზე, მუსიკალურ ვიდეოებზე. ამჟამად, ძალიან მიზიდავს მხატვრული ჩანახატების შექმნა, რომლებსაც გააჩნია თავისი პატარა ისტორია. კომერციული ფილმი მოდის ელემენტებით ერთ მოკლე ვიდეოში. -პირველი ვიდეო, რომელიც გადაიღეთ... - დაახლოებით 5 წლის წინ,მაშინ, როცა კამერა შევიძინე. ძალიან ტკბილად მახსენდება ეს ნამუშევარი, განსხვავებული და ფსიხოდელიური. ალბათ ნორმალური ადამიანი მსგავს არ გადაიღებდა.

-გაიხსენე გამორჩეული გადაღება... -ჩემთვის გამორჩეული ყოველთვის ჩემი და ჩემი მეუღლის ურთირთობაა. რადიკალურად განსხვავებული , მტკივნეული და ყოველგვარი ტკბილი რომანტიზმის გარეშე... მაგრამ ყველაფერი გარვეულწილად თამაშია და უფრო მეტად საინტერესო ხდება ჩვენთვის, მითუმეტეს, როდესაც რიგ-რიგობით ვუღებთ ერთმანეთს. ამ დროს უკვე სხვა გრძნობა გვეუფლება და პარტნიორს სხვა კუთხით ვუყურებთ. - რომელ მოდელს გამოარჩევდი, ვისთანაც გიმუშავია. - ყოველთვის წინასწარ ვიცი რომელ ნამუშევარს რომელი ტიპაჟი მოუხდება.. არ მიყვარს ამოჩემება , თუმცა მყავს მოდელები, რომლებთანაც უსასრულოდ შემიძლია ვიმუშაო , რადგან კამერასთან საოცრებებს ახდნენ. ანა სალუქვაძე (ეს არის პირადად ჩემი აღმოჩენა), ჩემი პირველი მუზა, საოცარი მაგნიტიზმით აღსავსე. თინა ჭიჭინაძე სახასიათო გარეგნობის მატარებელი ქალი , არაჩვეულებრივი შარმითა და სამსახიობო ნიჭით. არ გაგიკვირდებათ და კრისტი ყიფშიძეც რომელსაც, უსიტყვოდ ესმის ყველაფერი. მას აქვს ჩემს ობიექტივთან განსაკუთრებული ურთიერთობა, რაც მე მიყვარს და ძალაინ დიდ სიამოვნებას მანიჭებს.

-ტიპაჟები, რომლებსაც ქმნი... -ჩემი მთავარი მიზანია ხასიათის გადმოცემა. ის, რომ ვაგძნობინო მაყურებელს სიყვარული, განცდა , ბედნიერება. მხოლოდ მოდელის გარეგნობით ამას ვერ მიაღწევ, ამიტომაც ვარჩევ განსაკუთრებულებს. ჩვენ დროს ძალიან აქტუალურია ლამაზი ფორმებით აღჭურვილი ქალების ვიდეოები. მესმის, ყველაფერს ყავს თავისი მაყურებელი და მსგავსი უფრო მეტად რეიტინგულია. ჩემთვის რეიტინგი ნაკლებად მნიშვნელოვანია. ესთეტიური , ფაქიზი და რომანტიული "ჰეპი ენდის" გარეშე. ყოველთვის ვტოვებ კითხვის ნიშნის ქვეშ მაყურებელს და თავად როგორც სურს , ისე დაასრულოს თავის წარმოდგენაში. - რატომ მოწონთ ადამიანებს შენი შემოქმედება? - არ მგონია, რომ ყველა იყოს შენით კმაყოფილი და აღრფთოვანებული. რატომ და რის გამო? - ესე კონკეტულად ვერ ვიტყვი, ბევრი სხვადასხვა კომენტარი მოყვება. პირველ რიგში, ჩემს ოცნებას ვასრულებ და თუ ჩემი ოცნება ხალხს მოწონს- მავსებენ, რაც სტიმულს მაძლევს მეტი და მეტი შევქმნა.

-რას ანიჭებ უპირატესობას ვიდეოს დამუშავებისას? - უპირატესობას ვანიჭებ ფერებს და მუსიკას. არ უნდა იყოს მოსაბეზრებელი და რიტმში უნდა ჩაჯდეს. ყოველთვის მზად მაქვს კადრი, რომელიც წინასწარ ჩავიფიქრე.

-არის თუ არა საჭირო კარგი ტექნიკა ამ საქმის დასაწყებად? -პროფესიონალიზმი მოითხოვს განვითარებას და შენ თავადაც გსიამოვნებს, როდესაც კარგი აღჭურვილობა გაქვს და მაღალი ხარისხით გადმოსცემ ჩანაფიქრს. მაგრამ ! თან და თან ხდება ეს განვითარება, ნიჭიერს არ სჭირდება მაღალი კლასის ტექნიკა , ის ისედაც შექმენის შედევრს. ბევრჯერ მითქვამს და ყოველთვის იგივე აზრზე ვრჩები, არიან უბრალოდ ტექნიკის მოყვარულები, და არის ხელოვანი ხალხი. თუ ბოლოს აქვს იმის საშუალება, რომ პირველი დაიქირავოს , აი მაშინ კი ხშირად იქმენა საოცრება.

-როგორ შეაფასებდი საქართველოში იმ ადამიანებს, ვინც ამ სფეროში მუშაობს -რაც შეეხება კომერციულ დატვირთვას , ამ წლების მანძილზე საკმაოდ კარგად განვითარდა, რაც ძალიან მახარებს. საქართველოში ძალიან ბევრი ნიჭიერი რეჟისორი, ოპერატორი და ფოტოგრფია ვისთვისაც მეტი წარმატება მეგულება და კარგის მეტი არაფერი მეთქმის. ხელოვნება ქართველების პირველი საამაყო მხარეა და იმედია ოდესმე სათანადოდ დაფასდება.

-ვინ იმოქმედა შენს შემოქმედებაზე ? - გრანდიოზულმა ცვლილებებმა ჩემს ცხოვრებაში. იმ მოვლენებმა, რომლებმაც მომაშორეს ყველაფერი ზედმეტი, მომისპეს და გამინადგურეს ის, რითაც აქამდე ვიყავი დაკავებული. დამსვეს ცარიელ სივრცეში და მიმახვედრეს რა არის "ჩემი". ყველას ცხოვრებაში დგება დანგრევის მომენტი, იქნება ეს კარიერა თუ ურთიერთობა - ეს ყველაფერი უბრალოდ არ ხდება. უმტკივნეულოდ არ ჩაივლის, მაგრამ უკეთესი ყოველთვის წინ გელოდება.

- რას აპირებ სამომავლოდ -ზოგადად გეგმებზე საჯაროდ საუბარი არ მიყვარს, უკვე ახდენილ ოცნებებზე და მიღწეულ წარმატებაზე უფრო ამაყად ყვები ადამიანი. ძალიან ბევრი გეგმები მაქვს, რათა უფრო მეტი განვითარება მივიღო, აუცილებლად მჭირდება ჩემი გუნდი იმისთვის,რომ საინტერესო პროექტები შევქმნა.