"INTER-ვიუ INTER-იერში" - ანატოლი ბოისა.

    ჩემი რუბრიკის "INTER-ვიუ INTER-იერში" საზოგადოებისთვის კარგად ნაცნობი სპორტსმენი, ანატოლი ბოისაა. ჩვენი მასპინძელი კვლავ "ბელჰაუსია", ავეჯის სახლი, რომელიც გვთავაზობს მაღალი ხარისხის ავეჯის ჩვენი ცხოვრების სიმყუდროვისათვის.

- თავდაპირველად, მინდა, შენს კარიერაზე მომიყვე ორიოდე სიტყვით. ბევრს აინტერესებს სად დაიწყე მოღვაწეობა საქართელოში თუ საზღვარგარეთ ?

- მე რუსთავში დავიბადე და გავიზარდე. კალათბურთის თამაშიც იქ დავიწყე. ალბათ, მეხუთე ან მეექსვსე კლასში ვიყავი და მას შემდეგ დღემდე ვთამაშობ და კიდევ დიდხანს ვითამაშებ.

- რა არის ყველაზე რთული შენს პროფესიაში ?

- რთული არაფერი არ არის, იქიდან გამომდინარე რომ ეს პროფესია მე ავირჩიე და დღეში 24 საათს ვუთმობ. შედარებით რთული, ალბათ, ის არის, რომ ცხოვრებაში ბევრი რაღაცის დათმობა გიწევს. ქალაქგარეთ მეგობრებთან ერთად სადმე გასვლის ნაცვლად, დარბაზში ყოფნა გიწევს, რათა რამეს მიაღწიო.

- რა გაძლევს მოტივაციას ?

- ბევრი რამ, ხვალინდელი დღის იმედი და უკეთესი მომავლის წყურვილი. ოჯახი,შვილი და მათი კეთილდღეობა, ეს არის ჩემთვის ყოველდღიური სტიმული. უნდა ეცადო, რომ ყოველ მეორე დღეს შენი თავის უკეთესი ვერსია შექმნა.

- როგორ ანაწილებ დროს ?

- კი , ჩემი დროის მენეჯმენტი მაქვს. ყოველთვის ვაწყობ გეგმებს და წინა დღეს უკვე ვიცი, მეორე დღის გრაფიკი. ვვარჯიშობ "სუპერ ლიგის" გუნდში, შემდეგ მივდივარ "ა ლიგის" გუნდს ვავარჯიშებ, მერე ბავშვი გამომყავს სკოლიდან და მერე ვარჯიშზე მიმყავს. როდესაც, ვარჯიშიდან მომყავს უკვე შემდეგი დღის გეგმას ვწერ.

- შენი შვილიც კალათბურთს მიყვება ?

- ჩემი შვილი დადიოდა ცურვაზე მიყვება კალათბურს, ფეხბურთსა და ტანვარჯიშზე.

- ბევრი კარგი კალათბურთელი გვყავს, მაგრამ ვერ ხდებიან საჯარო პირველი. შენ თითქმის ყველა სფერო მოიცავი, მათ შორის შოუ-ბიზნესიც. რა არის შენი წარმატების ფორმულა ?

- არ ვიცი, ბევრი კარგი კალათბურთელი გვყავს საქართველოში. ალბათ, ყველაფერი ჩემმა კომუნიკაბელურობამ განსაზღვრა. ფატქია, რომ ტელე-სივრცეში სულ ვჩანვარ და თუ რაიმე მნიშვნელოვანი ღონისძიება ხდება, მეძახიან. ალბათ, არის ჩემში რაღაც ისეთი, რაც საზოგადეობას მოწონს.

- რამდენად მოგწონს საზოგადოების ყურადღების ცენტრში ყოფნა ?

- მეტ-ნაკლებად კი, არ მგონია, ვინმეს არ მოწონდეს. ამ ყველაფერში ბევრ დადებითს ვხედავ, თუმცა, ცხადია, არსებობს ნეგატივიც, რაზეც თვალს ვხუჭავ. არ მგონია, არსებობდეს ადამიანი, რომელიც ყველას უყვარს.

- თუ გახსენდება, რომელიმე წაგებული თამაში, რომელიც ტრავმად გექცა ?

- არა, სამწუხაროდ ან საბედნიეროდ, ჩვენ ისეთ სფეროში ვმოღვაწეობთ, სადაც  ბევრი მარცხიც არის და წარმატებული თამაშიც. მახსენდება ისლანდიაში გამართული სანაკრებო მატჩი, რომელიც წავაგეთ. თუმცა, სწორედ ასეთი წაგებული თამაშების მერე დარბაზში უფრო მეტად მოტივირებული მივდივარ.

- და მოგებული თამაშიდან რომელს გამოარჩევდი ?

- ყოველ თამაშს თავისი დატვირთვა აქვს. პირველი ჩემი გამარჯვება ბათუმის ლიგებში იყო. საქართველოს ჩემპიონატი მოვიგეთ. გარდა ამისა, მახსოვს, როცა "BD Vision"-დან "AD Vision"-ში , ევროპის ჩემპიონატზე, ელიტარულ ჯგუფში მოვხვდით. ჩვენი პირველი დიდი გამარჯვება ლიტვაში ბელგიასთან მოგებული თამაშია.

- სახლის რომელ კუთხეში ხარ ყველაზე ხშირად ?

- ძირითადად, ტელევიზორის წინ, მისაღებში.

- შენი ოთახი როგორია ? როგორც კალათბურთელებს აქვთ, ალბათ, თასები და ჯილდოები გიდევს ყველგან ?

- სხვათაშორის, არა. ძირითადად დათას სურათები მაქვს სახლში. თავისი ოთახის დიზაინიც თავად დათამ მოიფიქრა და კედელზე ფარი დაკიდა. სამომავლოდ, თუ რაიმეს შეცვლას მოითხოვს, დავუმატებ. ყველაფერი მის სურვილზეა დამოკიდებული.

- რას ურჩევდი დამწყებ კალათბურთელებს, რომლებისთვისაც მისაბაძი ადამიანი ხარ ?

- პირველრიგში, სჯეროდეთ საკუთარი თავის. თავდაჯერებულობა პირველ ადგილზეა. რა თქმა უნდა, ამას უნდა დაემატოს შრომა. მთავარია, გიყვარდეს შენი საქმე. თუ არ გიყვარს ვერ დაჯდები წიგნთან და ვერ წახვალ დარბაზში.სიყვარულს და ბევრ შრომას აუცილებლად მოყვება წარმატება.

ტექსტი გიგა უჩუვატოვი
ფოტოგრაფი Gogi X Photography 
ლოკაცია ბელჰაუსი