Babaleto - ინტერვიუ ბრენდის დამფუძნებელთან.

ბრენდი "Babaleto" პროფესიით ეკონომისტმა და შეიძლება ითქვას, ახლა უკვე დიზაინერმა მაგდა ჩურუკბამ დაარსა. ბაზარზე ამ პროდუქტის დიდი მოთხოვნიდან და საზოგადოების მხრიდან ინტერესის გაღვივებიდან გამომდინარე ჩვენ დავუკავშირდით დიზაინერს და ინტერვიუს ჩაწერა გადავწყვიტეთ.

- რა იყო ბრენდის დაარსების ძირითადი მამოტივირებელი ძალა ? - ბრენდის დაარსება სპონტანურად, სრულიად დაუგეგმავად ერთი ფერადი თმისამაგრის შექმნით დაიწყო ,რომელიც ჩემთვის გავიკეთე, შემდგომ უცხო ადამიანების ყურადღება მიიქცია და აი ასე დღემდე აქტუალობას არ კარგავს. ზუსტად ეს არის ის, რის გამოც მოტივაცია ყოველ ჯერზე უფრო მეტად იზრდება და ჩნდება უფრო მეტად იმის სურვილი ,რომ ყოველი ახალი კოლექციით სიახლე შევთავაზოთ მომხმარებლებს.

- რამდენად რთულია დღეს საქართველოში დიზაინერობა ? - რათქმაუნდა ყოველ წელს იზრდება ბაზარი ამ სფეროში და შესაბამისად კონკურენცია უფრო მატულობს , მაგრამ ჩემი აზრით, მთავარია, ის აკეთო ,რაც შენ თვითონ ძალიან მოგწონს. ჩემთვის როგორც დიზაინერისთვის, ერთგვარი მოტივიციაა შევქმნა ყოველ ჯერზე უკეთესი პროდუქტი. ახალი კოლეციის შექმნა, არის პროცესი იდეის ან იმიჯის ბაზარზე ისე წარმოდგენისა, რომ პროდუქტი უფრო და უფრო მეტი ადამიანისთვის გახდეს ცნობილი და გამორჩეული. სწორი მესიჯით მოხდეს იდენტიფიცირიბა ამ კონკრეტული კომპანიისა, მიუხედავად იმისა, რომ ბაზარზე სხვა კომპანიებიც წარმოადგენენ მსგავს პროდუქტს , მახარებს ფაქტი ,რომ BABALETO არა თუ ჩამოუვარდება წამყავნი ბრენდების აქტუალურობას , არამედ შემიძლია თამამად ვთქვა, რომ , საკმაოდ კონკურენტუნარიანია. ეს კი უმნიშვნელოვანესი ფაქტორია დარჩე მოთხოვნად ბრენდად ,საქართველოს ბაზარზე და არა მარტო.

- რა სირთულეებს შეხვდი თავდაპირველად და რამდენად დიდია კონკურენცია ?

- ზოგადად ნებისმიერი პროფესიის ადამიანისთვის, თავისი საქმიანობის პირველი ნაბიჯები ძალიან რთულია, რადგან ეს ყველაფერი დიდ პასუხისმგებლობასთანაა დაკავშირებული. მოდის ინდუსტრიაში, დიზაინერის მიერ შექმნილი პროდუქტი ,უნდა იყოს პირველ რიგში ტენდეციური და ხარისხიანი. სირთულე იყო გარკვეულ ეტაპზე , მაშინ როცა არავინ მყავდა, რომ ბრენდის პოპულარიზაციაში დამხმარებოდა.

- რომელია შენი პირველი წარმატებული ნაბიჯები ?

- წარმატებული ეტაპი დაიწყო ერთი წლის წინ ,აბრეშუმის ქსოვილით შექმნილი კაბა ხალათების შექმნით. დიდი მოთხოვნა იყო ზუსტად იმის მაჩვენებელი ,რომ ხარისხი ყოველთვის არის მნიშვნელოვანი კარგი გაყიდვებისთვის. .

- რით გამოირჩევა და რით არის დასამახსოვრებელი ბრენდი ქართულ ბაზარზე

- ბრენდის ხარისხით ,განსხხვავებული სტილით , რაც კი შექმნილა მაღალია ხარისხის ქსოვილით, სამკაულების შემთხვევაშიც ანალოგიურად, ეს არის BABALETO-ს ბრენდის ნიშა , რომელიც აქტუალურობას ზუსტად ამის გამო არ კარგავს .

-რამდენად ატარებს სამოსი რაიმე განსაკუთრებული ხასიათის მესიჯს ან გზავნილს ?

-" Babaleto " - სამკაულები, რომლებიც იქმნება დიდი სიყვარულითა და სიამოვნებით ჩემთვის მთავარი შთაგონება კოსმოსია, რომელიც ყოველთვის გვიზიდავს მისი იდუმალებითა და სისადავით. აქედან გამომდინარე, BABALETO-ს ყოველი სამკაული დაკავშირებულია კოსმოსთან, კოსმოსი კი ყოველ ჩვენგანში შეიძლება,ვიპოვოთ, სწორედ შინაგანი კოსმოსის გამოხატულებად შეიძლება ვაქციოთ ჩვენი სამკაულები, ისევე როგორც ჩემი კოსმოსია ჩემი სამკაულები. მომხმარებლის მიერ შენი პროდუქტის ტარება უკვე ნიშნავს ჩვენს კოლაბორაციას და კოსმოსური იდუმალებით გაერთიანებას.ამიტომ ვფიქრობ ,ყველაზე დიდი ფასეულობაც ზუსტად ეს არის ბრენდისთვის.

- ამ ეტაპზე სად შეიძლება თქვენი სამკაულებისა და აბრეშუმის კაბების შეძენა ?

- BABALETO- ს ბრენდის სამკაულები და აბრეშუმის კაბები წარმოდგენიალია, შოუ რუმმში "ქართული მოდის ლაბში" (Geofashionlab) ფალიაშვილის 80.

- რა სიახლეები გაქვთ და რას გეგმავთ სამომავლოდ ?

- სიახლე ამ ეტაპზე მხოლოდ იმით შემოიფარგლება ,რომ ვგეგმავ ჩემი პროდუქციის სეგმენტის გაზრდას. სიმართლე ,რომ გითხრათ სამომავლო გეგმა ამ ეტაპზე არ მაქვს , მაგრამ, რათქმაუნდა, მაქვს სურვილი ბრენდი გავიდეს საზღვრებს გარეთ. ასე ,რომ გზა დიდ წარმატებამდე კიდევ გრძელია.

გიგა უჩუვატოვი