ინტერვიუ “ბოქსის” დამფუძნებლებთან

     ცხოვრება მოულოდნელობებით არის სავსე , რომელიც შეიძლება იყოს სასიამოვნოც ,  უსიამოვნოც და ძალიან მძიმეც , სწორედ ასეთი მძიმე გამოწვევაა პანდემია , რომელმაც ადამიანები სახლში გამოგვკეტა , გვაიძულა, შეზღუდვების გამო ,ბევრ რამეზე უარი გვეთქვა,შეგვეცვალა ყოველდღიურობა და მსოფლიოში ცხოვრების რიტმი შეაჩერა.  

ანი ლეკიშვილისა და ნანუკა სტურუას ახალი წამოწყება - "ბოქსი"  , ზუსტად ამ პერიოდში შეიქმნა . იდეის განხორციელებაში მათ ნანუკას დედა , ირმა კიკნაძე ჩართეს, ის კონდიტერია და უგემრიელეს შედევრებს ქმნის . 

- როგორ გაჩნდა ბოქსის იდეა ?

 - ბოქსის იდეა სწორედ პანდემიურ სიტუაციაში დაიბადა ,  შეზღუდვებიდან გამომდინარე, ეს იყო ბავშვებისთვის შექმნილი , რათა გაგვერთო და გაგვეხალისებინა სახლში დარჩენილი პატარები , წინა საახალწლოდ ბებომ გამოაცხო ორცხობილები მოსართავებით ,ბავშვებმა დიდი სიამოვნებით და თავისი სურვილით მოხატეს , გააფორმეს ორცხობილები და დააგემოვნეს .  ეს ორმაგი სიამოვნება გვინდოდა სხვა ბავშვებსაც ეგრძნოთ . სწორედ აქედან იწყება ჩვენი ბოქსის ისტორია . 

ასე ვუზიარებთ მხიარულ ნობათებს და დადებით ემოციებს პატარებს და არანაკლებ ხალისობენ უფროსებიც. ახალი წლის პერიოდში ეს იდეა აიტაცა სეკრეტ სანტას მოთამაშე ბევრმა ადამიანმა და ასევე გვქონდა კორპორატიული შეკვეთებიც .

- რას ითვალისწინებს ბოქსი ? რა არის მოთავსებული შიგნით?

- საწყის ეტაპზე ბოქსი იყო საახალწლო : ნაძვის ხის , თოვლის ბაბუის ,ფიფქების , ვარსკვლავების , ირმების , სახლების , ანგელოზის  და ჯინჯერის კაცუნების ფორმის ორცხობილებით , ფერადი აისინგებით და დეკორატიული მოსართავი კანფეტებით აწყობილი . ჩვენ შემდეგ დავამატეთ ღვეზელების, ნამცხვრების , სხვადასხვა ორცხობილების და კანოლების ბოქსები , თუმცა ეს ყველაფერი არ არის , კიდევ ძალიან ბევრი სასიამოვნო და გემრიელ სიახლეებს ვპირდებით ჩვენს მომხმარებელს .

- რომელ ასაკობრივ კატეგორიაზეა . გათვლილი თქვენი სტარტაპი?

- ჩვენ ვცდილობთ , ეტაპობრივად შევქმნათ განსხვავებული ბოქსები , გავითვალისწინოთ ,შეძლებისდაგვარად , ყველას სურვილი , მოთხოვნილება და მოვარგოთ სხვადასხვა ასაკის  მქონე ადამიანებს . 

- რამდენად ხელმისაწვდომია ფასი ? როგორ შეიძლება ბოქსის შეძენა ?

- ჩვენ მაქსიმალურად ვეცადეთ საახალწლო ბოქსების ღირებულება ყოფილიყო ყველასთვის ხელმისაწვდომი და ორი ზომის ბოქსი შევქმენით , პატარას ფასი არის 25₾ , ხოლო დიდის 35₾ . ამ ეტაპზე ვმუშაობთ ონლაინ გამოძახებით და გვყავს ძალიან საყვარელი კურიერი , რომელიც სასურველ მისამართზე , უმოკლეს ვადაში აწვდის მომხმარებელს შეკვეთილ ბოქს .

- ტკბილეულის სრულ ასორტიმენტზე რომ ისაუბროთ, რას მოიცავს ? 

- ამ ეტაპზე გვაქვს ორცხობილების მრავალფეროვნება , სხვადასხვა - გემოს , ზომის , ფერის , ფორმის , რომელსაც მომხმარებელი თავად არჩევს : 

📌 ლიმონის 

📌 შოკოლადის 

📌 შვრიის ( ნაკლებკალორიული , დიეტური ) 

📌 თხილით / ნუშით / ნიგვზით 

📌 უგლუტენო

📌 სამარხვო 

 ასევე გვაქვს გამორჩეული გემოს ნამცხვრების , მაფინების , ტორტების , იტალიური კანოლების ბოქსები.  გვაქვს ამბიცია, რომ ჩვენი ყველა პროდუქტი არის , განსხვავებული , დასამახსოვრებელი გემოებით და რაც მთავარია ჯანსაღი , უმაღლესი ხარისხის ეკოლოგიურად სუფთა საკონდიტრო პროდუქტებით დამზადებული.

- რას გეგმავთ სამომვალოდ ? 

სამომავლოდ ბევრი გეგმა გვაქვს , ყველაფერზე ჯერ-ჯერობით ვერ ვისაუბრებთ , გვინდა სიურპრიზად დარჩეს , თუმცა სურვილი გვაქვს ჩვენი ბრენდი  გაფართოვდეს და უფრო მეტად დავიხვეწოთ , რადგან ორიენტირებულები ვართ  ხარისხზე , რომ მომხმარებლის ყველა რჩევა , შენიშვნა თუ მითითება მაქსიმალურად გავითვალისწინოთ . გამორჩეული პოზიციონირება  იყოს "სახლური გემოების" დამკვიდრება ბაზარზე. ასევე ,შეზღუდვების მოხსნის შემდეგ , ვგეგმავთ გავხსნათ ჩვენი სივრცე , სადაც მომხმარებელს , ონლაინ გამოძახების გარდა , შესაძლებლობა ექნებათ გვესტუმრონ და ადგილზე დააგემოვნონ . მანამდე კი , დიდი სიყვარულით თქვენს გამოძახებას ელიან ჩვენი და უკვე თქვენი ბოქსები .